جمعیت حقوق بشر آذربایجان – ارک درباره حقوق بشر آذربایجانی های ساکن در ایران
آذربایجانلی لار ایرانین شمال غربینده، جمعیتین اوچ ده بیرین تشکیل ائتدیکلری حالدا اوز ایلکین اینسانی حاقلاریندان او جمله دن آنا دیلینده تحصیل حاقیندان محروم دیلار. اونلار چئشیدلی آیری سئچکیلیگه معروض قالیرلار. بیر چوخ سایدا آذربایجانلی تورکی لهجه لری اولدوغو اوچون دولتی و خصوصی اورگانلاردا ایشه آلینمیرلار .
ایران دولت مئدیالاری آذربایجانی لاری سیستماتیک شکیلده تحقیر و توهین ائدیرلر . ایراندا محکمه لر آذربایجانلی ملی مدنی آکتیویست لری <میلی تهلوکه سیزلیغه قارشی فعالیت >یا <ٰسیستم قارشی فعالیت > اتهاملارا محاکمه و محکوم ائدیرلر.
حقیقیت بودور کی بو آکتیویست لر یالنیز آذربایجانلی لارین مدنی و کولتورل حاقلارینی مدافعه ائتدیکلری اوچون محاکمه اولورلار. میلی آزینلیقلارا عاید قادینلار و اوشاقلار ایکی قات آیری سئچکیلیگه معروض قالیرلار . و یوخسوزلوق ایشسیزلیک کیمی پروبلم لرده حدسیز درجه تاثیرلنرک و اجتماعی تجرید ه معروض قالیرلار.
اونلار غرض لندیرلرک اجتماعی محکوملیقا معروض قالیرلار. آذربایجانلی قیزلار تحصیل دن محروم قالیرلار و یوخسوزلوق دان دولایی اوشاق ائولیگین قوربانی اولولار . ایراندا مکتب کتابلاریندا ایرقچیلیق وار مضمونلار کی بونلار بیزیم اوشاقلاریمیزین شخصیت لرینه و هویت لرینه توخونور اولاری اوز گلجک لرینه باغلی ناراحات ائدیر.